कञ्चनपुरको कृष्णपुर नगरपालिका–१ निगालीमा एक महिलाको सर्पदंशबाट मृत्यु भएको छ। महिनावारीका कारण छाउगोठमा सुतिरहेकी २८ वर्षीया एक युवतीको शनिबार राति गालामा सर्पले टोकेपछि निधन भएको हो।
घटना राति करिब १२ बजेतिर भएको बताइएको छ। सर्पले टोकेपछि उनलाई तत्कालै सेती प्रादेशिक अस्पताल लगिएको थियो। तर, उपचारका क्रममा उनको ज्यान जोगाउन सकिएन।
भारतमा केही समय बसेर दुई महिना अघि मात्रै घर फर्किएकी ती महिला पक्की घर हुँदाहुँदै पनि परम्परागत मान्यताले थिचिएर छिमेकीको घरको छेउमा बनाइएको गोठमा बस्न बाध्य थिइन्।
घरमा सुरक्षित बस्न सक्ने अवस्था हुँदाहुँदै पनि सामाजिक बन्धनका कारण यस्तो दुर्घटना भएको स्थानीयवासीहरू बताउँछन्। यो घटनाले अझै पनि ग्रामीण क्षेत्रमा छाउप्रथा जस्ता हानिकारक परम्पराले कति गहिरो असर पारिरहेको छ भन्ने देखाएको छ।
प्रतिक्रिया
सम्बन्धित खवर
